पेड़ा इतिहास…..

सरोज शर्मा (भोजन मूल शोधार्थी)

पेड़ा भारतीय उपमहाद्वीप कु मिट्ठू व्यंजन च ये कि उत्पत्ति मथुरा,उत्तर प्रदेश भारत से ह्वाई,
ऐ कि मुख्य सामग्री खोवा, चिन्नी, इलायची, पिस्ता, केसर च।
ऐक रंग मलैदार सफेद से भिन्न हूंद, पेड़ा शब्द आमतौर मा आटु और खोवा जन पदार्थ क गोलों खुण किए जांद, मिठै खुण विभिन्न नामु से पेड़ा, पेंडा ब्वले जांद
उत्तर प्रदेश भटिक पेड़ा भारतीय उपमहाद्वीप क कै हिस्सो मा फैल ग्या, लखनऊ का ठाकुर राम रतन सिंह जु 1850 क दशक मा धारवाड़ चल गैं ऊन वख पेड़ो कि शुरुआत कै, यू विशिष्ट पेड़ा धारवाड़ पेड़ा क नाम से प्रसिद्ध च, कंडी पेड़ा सतारा मा महाराष्ट्र पेड़ा कि एक और किस्म च, कर्नाटक मा नन्दिनी मिल्क को-ऑपरेटिव द्वारा प्रसिद्ध डूड पेड़ा एक और प्रसिद्ध किस्म च, दगड़ मा लड्डू पेड़ा भि धार्मिक प्रसाद सेवा क रूप मा भि उपयोग किए जांद।