एआई ओरिओ रॉबौट डॉग…..

(घपरोळ )

श्रीमती जी -भौत हल्ला मच्यायूँ रैद ना तुमार कि सब काम मि करदु, अगर मि गौँ चलि जाऊं तो फिर..सब ठप्प.
श्रीमान जी -फिर क्या? करता नहीँ हूँ क्या?
श्रीमती जी -बस चैढ़ी गेन ना असमान आँखा, ख़बर सुणिळ तो फिर अंग्रेजी शुरू ह्वे जालि..
श्रीमान जी -क्या ख़बर?
श्रीमती जी -अरे मिन टीवी मा द्याख कि दिल्ली मा बल क्वि गलागोठिया यूनिवर्सिटी च बल वून इन कुत्ता को विकास कार कि वो सब काम करदु..
श्रीमान जी -कुत्ता को म्यार काम से क्या मेल..
श्रीमती जी -अरे म्यार धरमु एक द्वि मैना मा चीन शांघई जाणु ऑफिस टूर पर बल..
श्रीमान जी -अगळी मैंना तो मि भि जाणो गौँ एक मैना खुणी..
श्रीमती जी -अब तुम चाहे एक साल मा आवा यख सब काम फरफेक्ट बस..
श्रीमान जी -मतबल..
श्रीमती जी -मतबल धरमु चीन बिटि वे कुत्ता ले आलु बल ढ़ाई लाख मा.. बस अब तुमार जगा पर..ग्लागोठिया ने भि वखि बिटि खरीद..
श्रीमान जी – तीन मि खुणी कुत्ता ब्वाळ
श्रीमती जी -मिन तो कुछ नि ब्वाल, अपनी -अपनी सोच..
श्रीमान जी -अच्छा, मि ब्वारि खुणी बुल्दू एक कुतिया मि खुणी भि मंगा ली धरमु मा. तब मिते भि तेरी क्वि जरूरत नि..
श्रीमती जी -अब तुम कुत्ता मंगवा या सुंगर.. मिते क्वि मतलब नि..
श्रीमान जी -अब यू सुंगर कख बिटि आई बीच मा..
श्रीमती जी -जख बिटि रॉबौट कुतिया….