फ्राइड झंग्वर/झंगोरा पाक विधि –

(पारम्परिक उत्तराखंडी भोजन पाक विधि)
(भीष्म कुकरेती)

सामान
२ कप झंग्वर पक्यूं
१ चमच कड़ु तेल
जख्या चयेणु च तो
३ ल्यासण कली /दाण थिंच्यु
२ हरी मर्च बीच म चिरीं
१/४ कप कट्युं प्याज
१/४ कप चौकोर कट्युं गाजर
१/४ कप हरा लुब्या टुकड़ों म कट्यां
१/४ कप लाल पीला शिमला मिर्च लम्बो कट्यां (बीज रहित )
१/४ कप ब्रोकलो कटीं
१ /२ चमच सोया सॉस
हरा प्याज कट्यूं – २ चमच गार्निशौ कुण
लिम्बु रस -स्वाद अनुसार या न
काली मर्च पिसिन स्वाद अनुसार
लूण – स्वाद अनुसार
झंग्वर तैं पतीली या कुकर म पकाओ अर तस्तरी म धृ द्यावो
एक पैन म तेल गर्म कारो
गरम तेल म जख्या तड़काओ , कट्यूं प्याज, थिंच्यु ल्यासण , हरी मर्च २ मिनट तक गरम कारो
सोया सॉस , लूण डाळो कटीं ,ब्रोकोली ,कट्यां शिमला मर्च गाजर अर कट्यां लुब्या फ़ोळी डाळो कुछ देर पकाओ
अब पकायुं झंग्वर डाळो, , काली मिर्च चूरण कुछ देर पकाओ , धीरे धीरे खरोळो
अब कट्युं हरो प्याज गार्निश कुण डाळो यदि चयेणु च तो लिम्बु रस बि डाळ सकदा या विनेगर बि।
आप की रूचि च तो धनिया चूरण हल्दी चूरण भी प्रयोग कर सकदा
तयार च फ्राइड झंग्वर